Isa 27 | ZomZIV | STEP | Tua ni ciangin TOPA in ama namsau - a hiam mahmah, a lian le a vanglian ama namsau in, a kitholhkhia gulpi Leviathan a kual gulpi Leviathan daan thuaksak dinga, tuipi ganhing lianpi a that ding hi.

Isaiah 27

Israel-te Hutkhiatna

1 Tua ni ciangin

TOPA in ama namsau - a hiam mahmah,
a lian le a vanglian ama namsau in, ^a
a kitholhkhia gulpi Leviathan
a kual gulpi Leviathan daan thuaksak dinga,
tuipi ganhing lianpi a that ding hi. ^b

2 Tua ni ciangin -

“A gahpha lenggui lo la-in sa un:
3 Keimah TOPA in ka vil tawntung a;
tui ka buak den hi. ^c
Kuamah in a siatsak loh nadingin
sun le zanin ka vil hi. ^d
4 Ka heh kei hi.
Lingkungte le thangling kungte in kei hong maituah ta leh
amaute phu in gal sungah ka pai teitei dinga;
amaute khempeuh mei-in ka hal ding hi.
5 Ahikeh kei kiang hong zuanin hong bu uh hen; ^e
keimah tawh kilemna bawl uh hen, ^f
hi hi, keimah tawh kilemna bawl uh hen.
6 Hong tung ding tua ni ciangin Jacob in zungkha dinga, ^g
Israel selkhia-in pak dinga,
leitung khempeuh ah a gah a dim ding hi. ^h
7 Amah a satte sat bangin
TOPA in tuanu sat ahi hiam?
Amah a thatte thah bangin
amah in tuanu that sam ahi hiam?
8 Kidona ^{▼▼27.8 Septuagint en in, Hebrew in hih kammal kicianlo hi} hanga saltang amah tawh a mawh khawmte -
nisuahna huih nun ni bangin
ama huih hat in tuanu a delhkhia hi.
9 Amah in biakna-tau suangte khempeuh
suangkang satvui bangsak a, ^j
Asherah gimnamtui-tau ahikeh
khuamte ^{▼▼27.9 Tua in nusian Asehrah lim} a po lai a omsak nawn loh ciangin
hihte hangin Jacob khialhna kimaisakin
a mawhna a kipaihsakna gah ahi ding hi. ^l
10 A muanhuai khuapi a hawmin om a, ^m
a teng mi tampi in sehnel-gam bangin a taisan uh hi;
tua lai-ah bawngnote gamta in
tua lai mah ah giak uh a, ⁿ
a hiangte a hawkmai uh hi.
11 A hiang mengte a keu ciangin kitan a
numeite pai-in singin a cih uh hi.
Ahang in, hih mite in a theitel kei uh hi; ^o
tua ahi ciangin amaute a Bawlpa in amaute khuatuah lo a,
amaute a Piangsakpa in amaute a angvan kei hi. ^p

12 Israel-te aw, tuani ciangin TOPA in Euphrates ^{▼▼27.12 Hebrew ah Gun} - luanglai panin Egypt Luipi - dong hong cilkhia in khatkhatin hong khawm ding hi. 13 Tuateh tua ni ciangin pengkul lianpi khat a ging ding hi. Assyria a, a mangthangte le Egypt ah sala kikaite hong pai-in Jerusalem-a mual siangtho tungah TOPA a bia ding uh hi.